Өнгөрөн одож буй 2020 он хэдий цар тахалтай тэмцсэн хүнд жил байсан ч Солонгос дахь Хөдөлмөр, нийгмийн хамгааллын үйлчилгээний төвийн хувьд зорилго зорилтуудаа биелүүлж ажилласан, хийж бүтээж хэрэгжүүлсэн ажил ихтэй он байлаа. Энэ сарын 17-ны өдөр байгууллагын тайлангийн хурал болж оны ажлаа дүгнэн хэлэлцэж, ирэх оны зорилтуудаа танилцуулан шилдэг ажилтнуудаа төр засгийн болон байгууллагын шагналуудаар шагнаж урамшуулсан юм. “2020 оны байгууллагын шилдэг ажилтан”-аар Хөдөлмөр, нийгмийн хамгааллын тасгийн мэргэжилтэн Д.Үнэнбат, Нийгмийн даатгалын тасгийн мэргэжилтэн Х.Золгэрэл, мэргэжилтэн Я.Гармаа нар шалгарч өргөмжлөл, цом, мөнгөн шагналаар шагнуулсан бол төрийн дээд шагнал “Хөдөлмөрийн хүндэт медаль”-аар Нийгмийн даатгалын тасгийн мэргэжилтэн М.Гантулга, Засгийн газрын шагнал “Хөдөлмөрийн тэргүүний ажилтан” цол тэмдгээр Хөдөлмөр, нийгмийн хамгааллын тасгийн мэргэжилтэн Ц.Мөнхцацрал, Хөдөлмөр, нийгмийн хамгааллын яамны “Жуух бичиг”-ээр Хөдөлмөр, нийгмийн хамгааллын тасгийн мэргэжилтэн Ч.Энхжаргал, НДЕГ-ын “Хүндэт тэмдэг”-ээр Нийгмийн даатгалын тасгийн дарга Л.Доржсүрэн нар энгэрээ мялааж олон жилийн хөдөлмөр бүтээлээ төр, засагтаа үнэлүүллээ. Мөн байгууллагын үйл ажиллагаанд онцгой хувь нэмэр оруулсан мэргэжилтэн Ч.Энхжаргал, Б.Батжаргал, Ж.Жаргалсайхан нарыг ХНХҮТ-ийн “Хүндэт өргөмжлөл”-өөр шагнаж урамшуулав.
Хөдөлмөр, нийгмийн хамгааллын яамны харьяа БНСУ дахь Хөдөлмөр, нийгмийн хамгааллын үйлчилгээний төв нь 2020 оны байдлаар Монгол Улсын Нийгмийн даатгалын санд 3 тэрбум 148 сая төгрөгийн шимтгэлийн орлогыг төвлөрүүлж төлөвлөгөөгөө 109 хувиар биелүүлжээ. Мөн БНСУ-д амьдарч буй манай иргэд хэлний мэдлэг дутмаг, хууль эрхзүйн хязгаарлалттай байдлаас болж хохирох эрсдлүүд үүссэнээс гарсан асуудлуудыг хоёр улсын холбогдох хуулийн хүрээнд шийдвэрлэн ажиллаж зөвхөн 2020 онд гэхэд л иргэдэд олгогдоогүй байсан 943 сая 150 мянган воныг нөхөн олгуулаад байна.
![](https://seoulcenter.mlsp.gov.mn/wp-content/uploads/135208149_2072076636256129_5887831170312837566_o-750x626.jpg)
![](https://seoulcenter.mlsp.gov.mn/wp-content/uploads/133889112_2067479206715872_7726964473204313783_n.jpg)
![](https://seoulcenter.mlsp.gov.mn/wp-content/uploads/133844273_2072076719589454_470082187863716242_o-750x588.jpg)
![](https://seoulcenter.mlsp.gov.mn/wp-content/uploads/133814383_2072076699589456_2655796259081417800_o-750x573.jpg)
![](https://seoulcenter.mlsp.gov.mn/wp-content/uploads/133069474_2067479236715869_7900347333652529641_o-750x563.jpg)
![](https://seoulcenter.mlsp.gov.mn/wp-content/uploads/133046506_2067478846715908_5832311324726340420_o-750x563.jpg)
![](https://seoulcenter.mlsp.gov.mn/wp-content/uploads/132725551_2067479490049177_3739187944403957019_o-750x563.jpg)