Гадаад ажилчдын хүний эрхийн төв нь анх 1992 онд байгуулагдсан бөгөөд БНСУ-д оршин сууж буй гадаад ажилчдыг дэмжих зорилгоор байгуулагдсан анхны ТББ-уудын нэг юм.

Тус байгууллага нь гадаад ажилчдад тулгамдаж буй асуудлаар үнэ төлбөргүй зөвлөгөө өгдөг аж.

2000 оноос эхлэн гадаад ажилчдад зориулсан баярын үйл ажиллагаанд идэвхтэй оролцож байсан бөгөөд бага, дунд сургуулиудаар зочилж Монгол соёлыг сурталчлах ажлыг зохион байгуулсаар байна.

Мөн тус байгууллага нь БНСУ-д хууль бусаар оршин сууж буй гадаад хүүхдүүдийн сурч боловсрох  эрхийг хамгаалах хүрээнд тэдэнд хууль эрх зүйн дэмжлэг үзүүлэн ажилладаг байна.

Сүүлийн жилүүдэд 19-39 насны залуучууд руу чиглэсэн судалгаа хийж, тэдэнд зориулсан 4 төсөл хөтөлбөр хэрэгжүүлэн ажиллаж байна.

Энэхүү уулзалтаар 2 байгууллага цаашид санамж бичиг байгуулж идэвхтэй хамтран ажиллахаар тохиролцлоо.