“Сэрээт машин жолоодох эрхийн үнэмлэх” авахад зориулсан сургалтын 1 дүгээр ээлж 4 сарын 20-ны ням гарагт эхлэхээр бүртгэлийн дарааллын дагуу эхний 20 хүнийг сонгож аваад бэлтгэлээ хийж байна. Дараагийн 2 дахь ээлжийн сургалт 1 сар орчим хугацааны дараа, бямба гарагт хичээллэж эхлэхээр бэлдэж байна. Эхний ээлжийн сургалтад багтаж амжаагүй бүртгүүлсэн иргэдэд сургалтын дэлгэрэнгүй танилцуулга болон хичээлийн бэлтгэлтэй холбоотой мэдээллийг бүртгүүлсэн имайл хаягаар илгээнэ. Сургалтад мөн Е-7 визтэй хүмүүс хамрагдах хүсэлтээ илэрхийлж байсан тул энэ асуудлыг шийдвэрлэн Е-7 визээр ажиллаж байгаа иргэдийг хамруулахаар болсныг дуулгахад таатай байна. Бүртгүүлсэн иргэд дотор хэлний түвшин багатай гэж бөглөсөн иргэд сургалт эхэлтэл солонгос хэл дээр уншиж, ойлгох дадлага байнга хийж байхыг хүсье.
Сургалтын зорилго: Монгол ажилчдын ажиллах ур чадварыг нэмэгдүүлэх, Сургалтын хугацаа: 2025 онд нийт 3-4 ээлжийн сургалт зохион байгуулна, Бямба эсвэл Ням гарагт Сургалт явагдах газар: Сөүл, Гүрү дүүрэг, метроны 1-р шугам Гүрү буудлаас 2 минутын зайтай сургалтын төв
80 цагийн хичээлийн сургалтын төлбөр Сургалтын ном, гарын авлага Монгол багш, солонгос мэргэжлийн үг хэллэгийн тайлбар “Сэрээт машин жолоодох эрхийн үнэмлэх” авах онолын болон дадлагын шалгалт өгөх бүрд төлөх төлбөр
Онолын шалгалтад тэнцсэн тохиолдолд Nоtевоок 1-ийг бэлгэнд өгнө. (Өмнө 3-5 жил орчим ашиглагдсан) Е-9, Е-7 визтэй бүх суралцагчид олгоно. Энэ сургалтад сууж эрхийн үнэмлэх аваад, дараа нь Е-4-7 виз авсан тохиолдолд гэр бүлээ Монголоос урьж авчрахад нь зориулж 2,000,000 воны дэмжлэг олгоно. Е-7 визтэй суралцагчдад хамаарахгүй.
