БНСУ-д ажиллаж, амьдарч буй Монгол Улсын иргэдэд хөдөлмөр, нийгмийн хамгааллын хүртээмжтэй, чанартай үйлчилгээг мэдээлэл, технологийн шийдлийг ашиглан түргэн шуурхай хүргэж, иргэдийнхээ эрх ашгийг хамгаалсан найдвартай, түшиг байгууллага байна.

БНСУ-д оршин сууж буй Монгол Улсын иргэдэд Гэр бүл, хөдөлмөр, нийгмийн хамгааллын яамны эрхлэх асуудлын хүрээнд хоёр улсын холбогдох хуулийн дагуу хөдөлмөрийн харилцаанд тулгарсан асуудлыг шийдвэрлэн, нийгмийн даатгалын үйлчилгээг хүртээмжтэй, чанартай үзүүлж, монгол хүний хөгжлийг ахисан түвшинд хүргэх, иргэдийн хууль ёсны эрх ашгийг хамгаалахад төрийн үйлчилгээг шуурхай, үр дүнтэй үзүүлнэ

1. Монгол иргэдэд үзүүлэх үйлчилгээний хүртээмжийг нэмэгдүүлэх

• Зөвлөгөө, мэдээллийг шуурхай, ойлгомжтой, олон талд хэлбэрээр хүргэх
• Ил тод байдлыг эрхэмлэх , мэдээллийн нэгдсэн санг бүрдүүлэх,
• Алслагдсан бүс нутагт байгаа иргэдэд хүрч ажиллах

2. Хөдөлмөр эрхлэлтийн дэмжлэг, ХАБ-ыг хангуулах

• Хууль ёсны хөдөлмөр эрхлэлтийг дэмжих
• Ажлын байрны мэдээлэл, зуучлал
• Хөдөлмөрийн маргааныг шийдвэрлэхэд зөвлөгөө, дэмжлэг үзүүлэх

3. Нийгмийн даатгалын үйлчилгээг сайжруулах

• Нийгмийн даатгалд хамрагдалтыг нэмэгдүүлэх, мэдээллээр хангах, бүрдүүлэлтэд туслах
• Нийгмийн халамжийн үйлчилгээг олон талт хэлбэрээр хэрэгжүүлэх
• Хууль тогтоомжоор олгосон эрхээ эдлэхэд нь зөвлөн туслах

4. Иргэдийн эрх ашгийг хамгаалах, хууль зүйн дэмжлэг үзүүлэх

• Хөдөлмөрийн гэрээ, виз,оршин суух зөвшөөрөлтэй холбоотой зөвлөгөө
• Зөрчил, маргааныг шийдвэрлэхэд орчуулгын үйлчилгээ үзүүлэх

5. Монгол–Солонгосын хамтын ажиллагааг өргөжүүлэх

• Хоёр улсын холбогдох байгууллагуудтай тогтмол мэдээлэл солилцох, хамтран ажиллах
• Иргэдийн эрх ашгийг хамгаалах хамтын ажиллагааг бүрдүүлэх

• Монгол иргэдийн хууль ёсны эрх , ашиг сонирхлыг хамгаалсан төрийн үйлчилгээг хүртээмжтэй, шуурхай хүргэх
• Монгол иргэдийн нийгмийн даатгалын үйлчилгээний хамралт, хүртээмж, үр өгөөжийг нэмэгдүүлэх , БНСУ-ын Үндэсний тэтгэврийн даатгалд шимтгэл төлсөн иргэдийн шимтгэлийг буцаан олгуулах;
• Хөдөлмөрийн аюулгүй байдал, осол гэмтлээс урьдчилан сэргийлэх чиглэлээр мэдээлэл зөвлөгөө өгөх
• Хөдөлмөрийн харилцаатай холбоотой өргөдөл гомдлыг холбогдох хууль тогтоомжийн хүрээнд шуурхай, үр дүнтэй шийдвэрлэх
• Иргэдэд хөдөлмөрийн харилцаа, нийгмийн хамгааллын асуудлаар хууль эрхзүйн зөвлөгөө, орчуулга, лавлагаа мэдээллиийн үйлчилгээ үзүүлэх
• Суугаа орны онцлог, ажлын нөхцөл байдал, амьдарлын хэв маягаас хамаарч өөрийн улсын иргэдэд үүсч болох сэтгэцийн тулгамдсан асуудлаас урьдчилан сэргийлэх, сэтгэл зүйн зөвлөгөө мэдээллээр хангах, дэмжлэг үзүүлэх
• Мэдээлэл технологийн дэвшил, их өгөгдөлд суурилсан шийдлүүдийг төлөвлөлт хэрэгжилт, үйл ажиллагаандаа нэвтрүүлж, цахим үйлчилгээний чанар, хүртээмжийг сайжруулан,нэгдсэн мэдээллийн санг бүрдүүлнэ.
• Төвийн үйл ажиллагаанд үр дүнд суурилсан нэгдсэн удирдлагыг хэрэгжүүлж, өндөр бүтээмжтэй, ёс зүйтэй, үр ашигтай байх зарчмыг төлөвшүүлэх

БНСУ-д оршин суугаа Монгол Улсын иргэдийн тоо, хөдөлмөр эрхлэлтийн цар хүрээ нэмэгдэж буйтай холбоотойгоор тэдний хөдөлмөр эрхлэлтийн баталгаа, нийгмийн хамгаалал, хууль ёсны эрх ашиг, аюулгүй байдлыг хангах бодлогын хэрэгжилтийг сайжруулах шаардлага тулгарч байна. Энэхүү стратегийн зорилго нь тус төвийн үйл ажиллагааны чиглэл, хөгжлийн бодлогыг тодорхойлох, үйлчилгээний чанар, хүртээмжийг нэмэгдүүлэх.

БНСУ-д оршин суугаа Монгол Улсын иргэдийн хууль ёсны хөдөлмөр эрхлэлтийг дэмжих, нийгмийн хамгааллын хүртээмжийг нэмэгдүүлэх, эрх зүйн хамгааллыг сайжруулах замаар иргэдийн тогтвортой амьжиргаа, аюулгүй байдлыг хангах цогц үйлчилгээний тогтолцоог бүрдүүлэх. Хөдөлмөрийн зах зээлийн мэдээлэл, зөвлөгөө өгөх, хууль ёсны хөдөлмөр эрхлэлтийн талаарх сургалт, мэдээлэл зохион байгуулах, нийгмийн даатгал, тэтгэвэр, халамжийн үйлчилгээний талаарх мэдээлэл, зөвлөгөө өгөх, Осол, гэмтэл, хөдөлмөрийн маргааны үед мэргэжлийн дэмжлэг үзүүлэх, эрх нь зөрчигдсөн иргэдэд холбогдох байгууллагатай хамтран хамгаалалт үзүүлэх.

Эрх зүйн болон нийгмийн зөвлөгөө, хамгааллыг сайжруулах, хөдөлмөрийн гэрээ, цалин хөлс, ажлын нөхцөлтэй холбоотой зөвлөгөө өгөх, хөдөлмөрийн маргаанд зуучлал хийх, хууль эрх зүйн байгууллагуудтай хамтын ажиллагаа хөгжүүлэх, байгууллагын чадавх, ил тод байдлыг бэхжүүлэх, цахим үйлчилгээ, мэдээллийн сан бүрдүүлэх, Үйлчилгээний чанарын хяналт, үнэлгээний тогтолцоог бий болгох, хүний нөөцийн чадавхийг дээшлүүлэх, хууль дээдлэх, ил тод, нээлттэй байх, иргэн төвтэй үйлчилгээ үзүүлэх, шуурхай, хүртээмжтэй байх, хамтын ажиллагаанд суурилсан байх.

Хөдөлмөр, нийгмийн хамгааллын тасаг нь:

• Хөдөлмөрийн харилцаатай холбоотой өргөдөл, гомдлыг хуулийн хүрээнд шийдвэрлэх;
• Гэрээт ажилчны ажлын байр, үйлдвэрт биечлэн очиж, хөдөлмөрийн маргаан зөрчлийг шийдвэрлэхэд эрх зүйн болон орчуулгын туслалцаа үзүүлэх;
• 13 дахь сарын цалин, олгогдоогүй цалин, нутаг буцах зардал, үйлдвэрийн осолд өртсөн иргэний нөхөн олговор зэрэг төлбөрийг олгуулах;
• Хөдөлмөрийн аюулгүй байдал, гэмт хэргээс урьдчилан сэргийлэх болон холбогдох бусад чиглэлээр зөвлөгөө мэдээллээр хангах;

Нийгмийн даатгалын тасаг нь:

• Монгол Улсын тэтгэврийн даатгал, сайн дурын даатгалд хамруулах;
• Шимтгэлийн орлого төвлөрүүлж, нийгмийн даатгалын сангаас тэтгэвэр, тэтгэмж, төлбөр, зардал олгох;
• БНСУ-ын Үндэсний тэтгэврийн даатгалд шимтгэл төлсөн иргэдийн шимтгэлийг буцаан олгуулах;
• Нийгмийн даатгалын тухай хууль эрх зүйн зөвлөгөө мэдээллээр хангах чиг үүргийг хэрэгжүүлэн ажиллаж байна.

Дэлгэрэнгүй мэдээлэл авах:

БНСУ дахь Хөдөлмөр, нийгмийн хамгааллын үйлчилгээний төв

Хүний нөөц, бичиг хэрэг хариуцсан мэргэжилтэн Д.Гансэлэм

Утас: 02-2266-9229