Өнөөдөр Хөдөлмөр, нийгмийн хамгааллын үйлчилгээний төвийн дарга Б.Жаргалмаа, Захиргаа, хамтын ажиллагааны тасгийн дарга Б.Отгонжаргал, Нийгмийн даатгалын тасгийн дарга С.Сүнчин, ЗХА-ны тасгийн ажилтан Д.Мөнхчимэг нар БНСУ-ын Юхан их сургуулийн Гадаад хамтын ажиллагаа, олон нийттэй харилцах газрын дарга, Эрүүл мэнд, Эрүүл мэндийн тэнхим, Нийгмийн халамжийн мэргэжилтний туслах профессор Ким Ю На-тай уулзлаа.

Юхан их сургууль нь эрүүл мэндийн чиглэлийн бүтээгдэхүүн үйлдвэрлэгч томоохон группийн харьяа сургууль ба гадаад оюутан элсүүлж байгаагүй бөгөөд энэ жилээс монгол оюутнуудыг элсүүлэх болжээ.

Төвийн дарга Б.Жаргалмаа Юхан их сургуулийн үйл ажиллагаа болон сургалтын чиглэлийн талаар танилцаж, гадаад оюутан элсүүлж авах болсонтой холбоотойгоор протез, ортопедын мэргэжилтэн болон , нөхөн сэргээх, сэргээн засах, хөдөлгөөн засал, хөдөлмөр засал, сувилахуйн мэргэжлээр МУ-ын АШУҮИС-д суралцаж байгаа оюутнуудыг Оюутан солилцоогоор сургах талаар Ким Ю На профессортой санал солилцож оюутан солилцоог хэрэгжүүлэх асуудлаар судлан, цаашид хамтран ажиллахаар харилцан тохиролцов.

Мөн дан ганц монгол улсаас оюутан элсүүлэх бус БНСУ-д хөдөлмөрийн гэрээт Е-9 визээр ажиллаж амьдарч буй иргэдийг хөдөлмөрийн гэрээтээр байх хугацаанд Юхан их сургуульд онлайн буюу цахим хэлбэрээр суралцах боломжтой болохыг ярилцлаа.

Уулзалтын төгсгөлд төвийн дарга Б.Жаргалмаа тус мэргэжлээр анагаахын болон сувилахуйн сургуулийн богино хугацааны сургалтад хамрагдаж буй хөгжлийн бэрхшээлтэй хүүхдүүдийн эцэг эхийг оюутан солилцоогоор суралцуулах хүсэлтэй буйгаа илэрхийлэхэд таатайгаар хүлээн авлаа.