Хөтөлбөрийг хэрэгжүүлэгч “The bridge” ТББ нь оюутнуудыг тогтоосон чиглэлээр ажил эрхлэх сургалтад хамрагдахад дэмжлэг үзүүлэн, ажилд зуучлахаас гадна визний ангилал солиход дэмжинэ.Хөтөлбөрт БНСУ-ын их, дээд сургуулийн оюутан, эсвэл төгсөгч хамрагдаж болох бөгөөд солонгос хэлний мэдлэгийн түвшин TOPIK 3-аас дээш, D-2, D-10 визтэй байх шаардлагатай ажээ.Энэ хөтөлбөрт монгол оюутнууд хамрагдсанаар БНСУ-д тогтвортой оршин суух, хөдөлмөр эрхлэх боломжийг олж авах юм. Өөрөөр хэлбэл, Е-7 виз авч 4-5 жил тогтвортой ажиллах боломжтой бөгөөд үргэлжлүүлэн байнгын оршин суугчийн виз хүсэж болно.Өнөөдрийн байдлаар БНСУ-д D-2 визээр 11758, D-4 визээр 5978 иргэн оршин сууж байгаа бөгөөд Солонгос дахь монгол оюутнуудын ажилт эрхлэлт 10%-тай байна.Та бүхэн хөтөлбөрийн талаарх дэлгэрэнгүй мэдээллийг манай төвийн 02-2266-9229 дугаарт холбогдон төсөл, хөтөлбөр хариуцан ажилтнаас авах боломжтой
