БНСУ дахь Хөдөлмөр, нийгмийн хамгааллын үйлчилгээний төвийн мэргэжилтнүүд 2024 оны 5 дугаар сарын 26-ны өдөр БНСУ-ын Чонжү хотод ажиллаж, “CJ3 MNG” ТББ, “Гэрээний Залуусын Нэгдэл” ТББ, “Чонжү хот /Cheongju city /청주시” фэйсбүүк группээс зохион байгуулсан CJ3×3 SPRING ’24 сагсан бөмбөгийн тэмцээний үеэр иргэдэд Монгол Улсын нийгмийн даатгалын тухай хууль тогтоомжийг сурталчлан таниулах, нийгмийн даатгалын чиглэлээр зөвлөгөө, мэдээлэл хүргэх, хөдөлмөрийн харилцаа болон хөдөлмөрийн тухай хууль тогтоомж, сэтгэл зүйн тулгамдсан асуудлаар зөвлөгөө мэдээлэл өгөх зэрэг үйлчилгээг үзүүллээ. Тус арга хэмжээнд БНСУ-д ажиллаж, амьдарч, суралцаж буй 140 гаруй монгол иргэд хамрагдав.
