Хамтран оролцох төрийн байгууллага: Хууль зүйн яам, Цагдаагийн ерөнхий газар, Хөдөлмөр эрхлэлт, хөдөлмөрийн яам, Газар, дэд бүтэц, тээврийн яам, Далайн эргийн хамгаалалтын алба.
Анхаарал хандуулах гол газрууд: Хууль бусаар оршин сууж гэмт хэрэг өдүүлэгчид, хар тамхи, зугаа цэнгээнтэй холбоотой үйлдлүүдэд хамаарагч гадаад иргэд, барилгын салбарт хууль бусаар ажил эрхлэгчид, хууль бус иргэдийг ажилд зуучилдаг компаниуд, хууль бусаар хилээр нэвтэрч оршин суугч гадаадын иргэд.
БНСУ-ын 5 байгууллагын хамтарсан энэхүү арга хэмжээний үеэр иргэдийн амьжиргаанд халдаж, аюулгүй байдалд заналхийлж буй гадаад иргэдийн өдүүлж буй гэмт хэрэг, гадаад иргэдийн хууль бусаар оршин суух явдлыг таслан зогсоох, албадан гаргах, хилээр нэвтрүүлэхийг хориглох зэрэг хатуу арга хэмжээ авах зорилготой гэж мэдэгдэв.
Хэрэв шалгалтын үед шаардлагыг эсэргүүцвэл зарлан дуудах шийдвэр гаргаж журамлах ба баривчилгааны үед албан хаагчийн биед гэмтэл учруулсан тохиолдолд эрүүгийн хариуцлага хүлээлгэхээр шийдвэрлэсэн байна. Мөн хэлмэгдүүлэхгүй, зохих журмын дагуу ажиллаж хүний эрхийг хамгаалахын төлөө байх болно гэдгээ илэрхийлжээ. БНСУ-ын Хууль зүйн сайд “Цагаачлалын бодлого бол гадаад ажилчдыг шаардлагатай салбаруудад зохих хэмжээгээр байршуулж, хууль бусаар оршин суухыг багасгах бөгөөд бид цаашид гадаад иргэдийн оршин суух асуудлыг зөв зүйтэй тогтоон хэрэгжүүлэх бодлогыг тууштай баримтлах болно” гэсэн байна.