2023 оны 08 дугаар сарын 09-11-ний өдрүүдэд БНСУ-ын Хөдөлмөр эрхлэлт, хөдөлмөрийн яам, Аж үйлдвэр, хүний нөөцийн хэрэг эрхлэх газраас “Гадаад ажилчдын хөдөлмөр эрхлэлтийн зөвшөөрлийн тогтолцоо-2023” ээлжит семинарыг зохион байгуулж БНСУ-д ажиллах хүчин илгээгч 16 орны төлөөллийг урьж оролцууллаа.

Уг арга хэмжээнд Монгол Улсаас БНСУ-д суугаа Элчин сайдын яамны хөдөлмөрийн атташе Б.Оргил, ХНХҮТ-ийн дарга Д.Баярмандах нар оролцон үг хэлж, Монголоос ирэх гэрээт ажилтны тоог нэмэх, эрх зүйн орчныг сайжруулах, ажлын байрны нөхцлийг дээшлүүлэх тал дээр анхаарч ажиллах шаардлагатай байгааг онцлов.