Хөдөлмөр, нийгмийн хамгааллын яамны харьяа БНСУ дахь ХНХҮТ нь 2022 оны 10 сарын 8, 9-ний амралтын өдрүүдэд Умард Чолла мужийн Чонжү хот болон Сөүл хотын Түндэмүний Рамада зочид буудлын уулзалтын танхимд тус тус үйлчилгээ үзүүлж ажиллалаа.

БНСУ-ын Умард Чолла мужийн Чонжү хотноо Монгол Улсаас БНСУ-д суугаа ЭСЯ-ны Консулын хэлтэс, Төрийн банк, Хаан банктай хамтран үзүүлсэн үйлчилгээнд давхардсан тоогоор 200 орчим иргэд үйлчлүүлсэн бол Сөүл хотноо Рамада зочид буудлын уулзалтын танхимд амралтын өдрүүдээр үзүүлсэн үйлчилгээнд 400 орчим монгол иргэд ирж хамрагдан хөдөлмөрийн харилцаа болон нийгмийн даатгалын асуудлуудаар зөвлөгөө мэдээлэл авлаа.