2022 оны 8 дугаар сарын 29-30-ны өдрүүдэд БНСУ-ын Хөдөлмөр эрхлэлт, хөдөлмөрийн яам, Аж үйлдвэр, хүний нөөцийн хэрэг эрхлэх газраас “Гадаад ажилчдын хөдөлмөр эрхлэлтийн зөвшөөрлийн тогтолцоо-2022” ээлжит семинарыг БНСУ-ын Чанвун хотноо зохион байгуулж байна.

Энэ удаагийн семинарыг БНСУ болон ажиллах хүч илгээгч орнуудын хамтын ажиллагааг улам шинэ түвшинд гаргах, хамтран ажиллах хүрээг тэлэх, харилцан санал, туршлага солилцох зорилгын дор хийж буй бөгөөд БНСУ-д ажиллах хүч илгээгч 16 орны элчин сайд, хөдөлмөрийн атташе, Хөдөлмөр, нийгмийн хамгааллын төвийн дарга нар оролцож буй ажээ.

Чанвун хотод болж буй уг семинарт Монгол Улсыг төлөөлж БНСУ-д суугаа ЭСЯ-ны Элчин зөвлөх Ж.Оюунбаатар, Хөдөлмөрийн атташе Б.Оргил, ХНХЯ-ны харьяа БНСУ дахь ХНХҮТ-ийн дарга Д.Баярмандах нар оролцож байна.