2021 оны 10 сарын 21-ний өдөр Хөдөлмөр, нийгмийн хамгааллын яамны харьяа БНСУ дахь Хөдөлмөр, нийгмийн хамгааллын үйлчилгээний төвийн байранд Төвийн дарга Д.Баярмандах, БНСУ-ын “Глобал лидер ассет” ХХК-ийн захирал Гил Мин Сү нар хамтран ажиллах санамж бичигт гарын үсэг зурлаа.
Тус санамж бичгийн хүрээнд “Глобал лидер ассет” ХХК нь хөдөлмөрийн гэрээт иргэд болон монгол иргэдэд даатгалын үйлчилгээ үзүүлэх, хөнгөлөлт эдлүүлэх тал дээр дэмжлэг үзүүлж ажиллах юм.
Санамж бичигт гарын үсэг зурах ёслолын ажиллагааны үеэр “Глобал лидер ассет” ХХК-иас ХНХҮТ-ийн Нийгмийн даатгалын тасагт нэн шаардлагатай байгаа 2 ширхэг компьютер бэлэглэв.
