Дэлхий даяар цар тахал нүүрлээд удаж буй энэ хүнд хэцүү цаг үеийг улс орнууд, хүн төрөлхтөн дэм дэмэндээ даван туулж байгаа билээ. Өнөөдөр БНСУ дахь Хөдөлмөр, нийгмийн хамгааллын төвийн дарга Д.Баярмандах Монгол Улсын Хөдөлмөр, нийгмийн хамгааллын яаманд 40 мянган ширхэг амны хаалт хандивласан БНСУ-ын “DKCostech” компанийн захирал Ким Док Ху, “King star” компанийн захирал Ю Ман Сон нарыг хүлээн авч уулзан Хөдөлмөр, нийгмийн хамгааллын сайд А.Ариунзаяагийн чин сэтгэлийн “Талархал”-ыг гардуулав. Солонгос захирлууд сайдын талархлыг хүлээн авч байгаадаа туйлын баяртай байгаагаа илэрхийлээд “Дотроо халдвар алдаагүй байгаа Монгол Улсыг улам сайн байгаасай хэмээн хүсэж байна” гэлээ.