Сүүлийн жилүүдэд Монгол Улсаас БНСУ-д зорчих иргэдийн тоо эрс нэмэгдсэн бөгөөд тэр тусмаа богино хугацааны С-3 ангиллын аяллын визээр зорчигч иргэдийн тоо жилээс жилд өссөөр байгаа билээ. Харин 2019 онд БНСУ нь виз мэдүүлэх журамдаа өөрчлөлт оруулж энэхүү өөрчлөлтөөр БНСУ-д хөдөлмөрийн гэрээгээр буюу Е-9 ангиллын визээр оршин суудаг иргэдийн гэр бүлийн гишүүд БНСУ-д зорчихоор виз мэдүүлэхдээ бүрдүүлэх материалыг илүү хялбар болгож өгчээ. БНСУ-д Е-9 визээр оршин суугч иргэний гэр бүлийн гишүүд виз мэдүүлэхдээ дараах материалыг бүрдүүлэх юм байна.
Солонгос талаас бүрдүүлэх материал:
1. Тухайн улсад оршин сууж байгаа иргэний үнэмлэхний хуулбар
2. Ажлын газрын тодорхойлолт
3. Дансны хуулга /сүүлийн 6 сарын турш Монгол улс руу шилжүүлэг хийсэн/
Монгол талаас бүрдүүлэх материал:
1. Гэрлэлтийн лавлагаа
2. Дансны хуулга /сүүлийн 6 сар БНСУ-аас шилжүүлэг авсан/
3. Тухайн гэр бүл хүүхэдтэй бол хүүхдийн төрсний гэрчилгээ
4. Анх удаа виз мэдүүлж байгаа тохиолдолд Цагдаагийн газрын тодорхойлолт
5. Ковид-19 эрүүл мэндийн асуумж бөглөсөн байх.
Эх сурвалж: ХНХҮТ-ийн “Нэг цэг” сэтгүүлийн №001
