Цар тахлын үед гэрээний хугацаа дууссан иргэд визээ хэрхэн сунгуулж, шалгаж байх вэ?

Хөдөлмөрийн гэрээгээр ажиллаж байгаад гэрээний хугацаа дууссан боловч онцгой нөхцөл байдлаас болоод нутаг буцаж чадахгүй байгаа тохиолдолд хэрхэн визээ сунгуулах вэ? Мөн 50 хоног нэмэлтээр өгч байгаа гэсэн. Үүнийг хэрхэн мэдэх вэ?

3 жил болон 4 жил 10 сар ажиллаад нутаг буцах гэж байгаа гэрээт ажилчдын визийг нэг удаа 50 хоногоор сунгаж байгаа бөгөөд заримдаа сунгагдахгүй байх тохиолдол гарч байна. Энэ тохиолдолд харъяа хөдөлмөрийн биржээс асуух шаардлагатай. 50 хоногоор сунгагдсан бол цэнхэр үнэмлэх дээр хугацаа даруулах шаардлагагүй. Визний хугацаа сунгагдсан эсэхийг шалгахдаа Гадаадын иргэн харъяатын цахим хуудас болох hikorea.go.kr сайтаас шалгаж болно.

Хөдөлмөрийн гэрээгээр ажиллаж байгаад оршин суух хугацаа дуусгавар болсон ч нутаг буцаж чадахгүй байгаа иргэд визээ сунгуулахдаа заавал өөрийн биеэр очих шаардлагатай юу? Гадаадын иргэн харъяатын сайтаас цаг хэрхэн авдаг вэ?

Хөдөлмөрийн гэрээт иргэд заавал цаг авч өөрийн биеэр очих хэрэгтэй. Харин бусад төрлийн визтэй хүмүүс цахимаар сунгуулах боломжтой.

ХНХҮТ-ийн Хөдөлмөр, нийгмийн хамгааллын тасгийн мэргэжилтэн А.Лхагвамаа

This post is also available in: Korean

Цар тахлын үед гэрээний хугацаа дууссан иргэд визээ хэрхэн сунгуулж, шалгаж байх вэ?

Холбоо барих

Байршил

Цэс